هه‌ڵبژاردنه‌كانی عێراق ٢٠٢١

کۆمیسیۆنی باڵای سەربەخۆی ھەڵبژاردنەکان لە عێراق، کۆتاییھێنان بە پێداچوونەوە بەسەرجەم ئەو تانە و بەڵگانەی کە لە چوارچێوەی پاشکۆی تانەکان لە ئەنجامە بەراییەکانی ھەڵبژاردنەکانی پێشوەختەی ئەنجوومەنی نوێنەران پێشکەش کرابوون، راگەیاند.

- کۆمیسیۆنی باڵای سەربەخۆی ھەڵبژاردنەکان لە عێراق: "پێشبینی دەکەین، لایەنەکانی ناڕەزای تانەی نوێ لە ئەنجامە بەراییەکانی ھەڵبژاردنەکان پێشکەش بکەن".

- نووسینگەی راگەیاندنی مەرجەعی باڵای ئایینی شیعە لە عێراق، عەلی سیستانی رایگەیاند، سیستانی نابێته‌ لایەن لە هیچ گفتوگۆیەکدا له‌باره‌ی پێکهێنانی هاوپەیمانی بۆ پێکهێنانی حکوومەتی داهاتووی عێراق.

- کۆمیسیۆنی باڵای سەربەخۆی ھەڵبژاردنەکان لە عێراق، پرۆسەی دووبارە ژماردن و جیاکردنەوەی دەنگەکان بە دەست بۆ ٣٨٧ وێستگەی بەشی کەرخ رۆژئاوای بەغدا ئەنجامدا کە تانەیان لێ درابوو.

- کۆمیسیۆنی باڵای سەربەخۆی ھەڵبژاردنەکان لە عێراق رایگەیاند کە بە ئامادەبوونی ٥٠ چاودێر و بریکاری قەوارە سیاسییەکان، پرۆسەی دووبارە ژماردن و جیاکردنەوەی دەنگەکان بە دەست بۆ دوو ھەزار وێستگەی ھەڵبژاردنەکان دەستی پێ کردووە.