بەغدا.. کۆمیسیۆن پرۆسەی دووبارە ژماردنی دەنگەکان بەدەست بۆ ٣٨٧ وێستگەی کەرخ ئەنجامدا
- کۆمیسیۆنی باڵای سەربەخۆی ھەڵبژاردنەکان لە عێراق، پرۆسەی دووبارە ژماردن و جیاکردنەوەی دەنگەکان بە دەست بۆ ٣٨٧ وێستگەی بەشی کەرخ رۆژئاوای بەغدا ئەنجامدا کە تانەیان لێ درابوو.
Arbil
ھەولێر ــ AA
کۆمیسیۆنی باڵای سەربەخۆی ھەڵبژاردنەکان لە عێراق، پرۆسەی دووبارە ژماردن و جیاکردنەوەی دەنگەکان بە دەست بۆ ٣٨٧ وێستگەی بەشی کەرخ رۆژئاوای بەغدا ئەنجامدا کە تانەیان لێ درابوو.
میدیا عێراقییەکان بڵاویان کردەوە کە ئەمڕۆ کۆمیسیۆن پرۆسەی دووبارە ژماردن و جیاکردنەوەی دەنگەکان بە دەست بۆ ٣٨٧ وێستگەی بەشی کەرخ تەواوکردووە کە تانەیان لێدرابوو.
بەپێی میدیا عێراقییەکان، ئەنجامی دووبارە ژماردن و جیاکردنەوەی دەنگەکان بە دەست بۆ ئەو ٣٨٧ وێستگەیەی بەشی کەرخ لەگەڵ ئەنجامەکانی ئەلیکترۆنی، ھاوچەشن بوون.
پێشتر کۆمیسیۆنی باڵای سەربەخۆی ھەڵبژاردنەکان لە عێراق راگەیاندبوو دوای پەسەندکردنی ژمارەیەک لەو تانانەی کە لەسەر ئەنجامە بەراییەکانی ھەڵبژاردنەکانی پێشوەختەی ئەنجوومەنی نوێنەران پێشکەش کراون، پرۆسەی دووبارە ژماردن و جیاکردنەوەی دەنگەکان بەدەست بۆ ژمارەیەک وێستگەی ھەڵبژاردنەکان ئەنجام دەداتەوە.