Zgjedhjet presidenciale, Pendarovski dhe Siljanovska-Davkova do të garojnë në rrethin e dytë
Jehona e votuesve, sipas KSHZ-së, në zgjedhjet e sotme presidenciale ishte 41,78 për qind apo 751.984 qytetarë shfrytëzuan të drejtën nga gjithsej 1.808.131 votues të regjistruar në listën zgjedhore
Shkup
Sipas rezultateve preliminare të rrethit të parë të zgjedhjeve presidenciale në Maqedoninë e Veriut apo nga gjithsej 99,49 për qind e fletvotimeve të përpunuara, kandidatët Stevo Pendarovski dhe Gordana Siljanovska-Davkova do të garojnë në rrethin e dytë të zgjedhjeve, që do të mbahen më 5 maj, transmeton Anadolu Agency (AA).
- Zgjedhjet presidenciale në Maqedoninë e Veriut, mbyllen qendrat e votimit
- Pendarovski: Në rrethin e parë kryeson koncepti "bashkë"
- VMRO-DPMNE dhe koalicioni: I fituam, por nuk i mposhtëm tërësisht
- Reka: Kundërkandidatëve u dëshiroj garë të suksesshme në rrethin e dytë
Pendarovski, kandidati i mbështetur nga koalicioni qeveritar i kryesuar nga Lidhja Socialdemokratike e Maqedonisë (LSDM), udhëheq ngushtë me 42,82 për qind (321.98) të votave ndaj Siljanovska-Davkova, kandidates së mbështetur nga opozita maqedonase VMRO-DPMNE, me 42,25 për qind (317.779) të votave.
Ndërkohë, Blerim Reka, i mbështetur nga partitë opozitare shqiptare Aleanca për Shqiptarët dhe Lëvizja BESA, i cili arriti të grumbulloj 10,58 për qind (79.582) të votave, nuk do të ketë të drejt të garoj në rrethin e dytë të zgjedhjeve.
Jehona e votuesve, sipas KSHZ-së, në zgjedhjet e sotme presidenciale ishte 41,78 për qind apo 751.984 qytetarë shfrytëzuan të drejtën nga gjithsej 1.808.131 votues të regjistruar në listën zgjedhore.
Rrethi i dytë i zgjedhjeve është caktuar pas dy javësh, më 5 maj.
Nga pavarësia e shtetit, këto janë zgjedhjet e gjashta presidenciale.
Njëkohësisht, përveç rrethit të parë të zgjedhjeve presidenciale, qytetarët e Ohrit, Dibrës dhe Novo Sellës kishin mundësinë të shfrytëzojnë të drejtën e votës për të zgjedhur kryetarët e komunave.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.