Sport, Koronavirusi

Varianti Omicron zbulohet tek 13 futbollistë të ekipit Belenenses në Portugali

Drejtori i Institutit Kombëtar të Shëndetësisë (INSA), Ricardo Jorge, tha sot se ndeshja u ndërpre për shkak të një numri të madh të infektimeve me koronavirus në ekipin vendas

Şenhan Bolelli   | 29.11.2021
Varianti Omicron zbulohet tek 13 futbollistë të ekipit Belenenses në Portugali

Madrid

Pas ndërprerjes së ndeshjes mes ekipeve të futbollit Belenenses dhe Benfica dy ditë më parë në Portugali, u konstatua se tek 13 lojtarë të skuadrës vendase është vërejtur varianti Omicron i koronavirusit, transmeton Anadolu Agency (AA).

Drejtori i Institutit Kombëtar të Shëndetësisë (INSA), Ricardo Jorge, tha sot se ndeshja u ndërpre për shkak të një numri të madh të infektimeve me koronavirus në ekipin vendas.

Jorge tha se pas analizave të kryera, u konstatua se 13 lojtarë të skuadrës vendase rezultuan pozitivë me COVID-19 dhe se ky ishte varianti i ri Omicron.

Gjithashtu u tha se këto ishin rastet e para të variantit Omicron të regjistruara në Portugali.

Mësohet se futbollisti i Afrikës së Jugut, Cafu Phete, i cili luan për Belenenses, është rikthyer në Portugali më 22 nëntor pasi ka luajtur ndeshje për kombëtaren.

Ndeshja Belenenses-Benfica e luajtur fundjavën e kaluar në ligën e parë të futbollit portugez është ndërprerë në minutën e 48-të për shkak të infektimit me koronavirus në skuadrën vendase.

Belenenses doli në fushë me nëntë lojtarë dhe kur ky numër ra në gjashtë në pjesën e dytë, arbitri vendosi të ndërpresë ndeshjën.​​​​​​​

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın