Koronavirusi

Rusi, numri i vdekjeve nga COVID-19 tejkalon 150.000

Sipas të dhënave më të fundit, 23.704 persona të sapo infektuar janë regjistruar në këtë vend, ku infeksionet janë rritur javët e fundit për shkak të përhapjes së variantit Delta të virusit

Elena Teslova   | 21.07.2021
Rusi, numri i vdekjeve nga COVID-19 tejkalon 150.000 Foto: AA/Arhiv

Moskë

Me 783 vdekje të reja në 24 orët e fundit, numri i vdekjeve nga koronavirusi i ri (COVID-19) në Rusi ka tejkaluar shifrën prej 150.000, raporton Anadolu Agency (AA).

Sipas të dhënave më të fundit, 23.704 persona të sapo infektuar janë regjistruar në këtë vend, ku infeksionet janë rritur javët e fundit për shkak të përhapjes së variantit Delta të virusit.

Kjo do të thotë se më shumë se 6,03 milionë raste janë raportuar deri më tani, ndërsa numri i rasteve aktive të infeksionit është 474.738.

Rikuperimet u rritën në 22.854 gjatë ditës së kaluar për të arritur në 5.4 milionë, thuhet më tej.

Situata në Moskë, e cila mbetet zona më e goditur e Rusisë, ka filluar të përmirësohet për shkak të përpjekjeve të vazhdueshme nga autoritetet.

Numri i rasteve ditore është zvogëluar në pothuajse përgjysmë, duke rënë nga 6.000 - 7.000 në ditë në 3.000 dhe 4.000.

Gjithsej 3.253 infeksione të tjera u konfirmuan në kryeqytet gjatë 24 orëve të fundit, së bashku me 104 vdekje dhe 8.006 rikuperime.

Zyrtarët kanë lehtësuar disa kufizime në Moskë, duke përfshirë edhe kartën e detyrueshme të QR për të vizituar restorantet.

Sipas kryetarit të bashkisë, më shumë se 100.000 njerëz po vaksinohen në kryeqytet çdo ditë.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın