Itali, Serie A vazhdon sezonin më 20 qershor
"Është hapi i duhur të rifillojmë me futbollin, ndërkohë që Italia po ndërmerr veprime. Si rezultat i gjithë kësaj, mund të themi se kampionati do të riniset më 20 qershor", tha ministri i Rinisë dhe Sportit, Vincenzo Spadafora
Ankara
Italia konfirmoi se liga e parë e futbollit (Serie A) do të rifillojë ndeshjet më 20 qershor, transmeton Anadolu Agency (AA).
Ministri i Rinisë dhe Sportit, Vincenzo Spadafora, e bëri njoftimin në një deklaratë për mediat, pasi takoi përfaqësuesit e Federatës së Futbollit, ligës, klubeve, lojtarëve dhe arbitrave.
"Është hapi i duhur të rifillojmë me futbollin, ndërkohë që Italia po ndërmerr veprime. Si rezultat i gjithë kësaj, mund të themi se kampionati do të riniset më 20 qershor. Ekziston edhe mundësia për t'i zhvilluar ndeshjet e Kupës së Italisë nga 13 deri më 17 qershor", tha Spadafora.
Klubet e Serie A nuk kanë zhvilluar ndeshje pasi liga u pezullua më 9 mars për shkak të pandemisë së koronavirusit të ri (COVID-19).
Federata njoftoi më 19 maj se sezoni do të mbetej i pezulluar deri më 14 qershor.
Italia raportoi 70 vdekje të tjera nga koronavirusi të enjten, duke e çuar numrin përgjithshëm të viktimave në 33.114.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
![](http://www.facebook.com/sharer.php?u=https://www.aa.com.tr/sq/koronavirusi/itali-serie-a-vazhdon-sezonin-më-20-qershor/1856988&p[images][0]=https://cdnuploads.aa.com.tr/uploads/Contents/2020/05/28/thumbs_b_c_b63ab66e3649f93d979f4d7d718031f6.jpg?v=230305&p[title]=Itali, Serie A vazhdon sezonin më 20 qershor&p[summary]="Është hapi i duhur të rifillojmë me futbollin, ndërkohë që Italia po ndërmerr veprime. Si rezultat i gjithë kësaj, mund të themi se kampionati do të riniset më 20 qershor", tha ministri i Rinisë dhe Sportit, Vincenzo Spadafora
){kind=link}