Şeyhmus Demirci, i cili jeton në rrethin Gerger të provincës së Adıyamanit, Turqi, ka vazhduar profesionin e prodhimit të shalave që e ka trashëguar nga gjyshi dhe babai i tij për më shumë se 50 vjet.

Demirci, 80-vjeç, i vetmi mjeshtër i shalës në rrethin e tij, vazhdon të prodhojë në punishten e tij të vogël prej afërsisht 6 metrash katrorë, duke përdorur vegla dore të trashëguara nga gjyshi i tij.

Şeyhmus, i cili vazhdon të punojë pavarësisht të gjitha vështirësive për të mbajtur industrinë e prodhimit të shalave, e cila me kalimin e kohës po harrohet, nuk bën kompromis për metodat tradicionale.

Së pari, duke përgatitur kornizat e drunjve në dyqanin e tij, Demirci i mbush shalat e mbuluara me kallamishte të thata dhe më pas i plotëson me lëkurë duke i qëndisur nyjë pas nyje.

- "Ato janë trashëgimi profesionale dhe një kujtim për mua"

Mjeshtri turk Şeyhmus Demirci për Anadolu tha se ai vazhdon profesionin e tij si brezi i tretë.

Demirci, i cili shpjegoi se kishte trashëguar shumë nga veglat e tij të dorës, si çekiçë, daltë dhe fëndyell, nga gjyshi i tij, tha: "E mësova këtë zanat duke u rritur me tingujt e çekiçit të gjyshit tim. Ende kam të njëjtat vegla. Vazhdoj të bëj shala me to. Ato janë trashëgimi profesionale, po ashtu edhe një kujtim për mua".

Edhe pse është i vendosur ta vazhdojë profesionin e tij, Demirci thekson se ngarkesa e punës nuk është më aq e lartë sa dikur. "Më parë ishim në gjendje të prodhonim shala për ditë të tëra. Tani, edhe nëse marrim porosi, ato janë shumë të pakta. Të rinjtë nuk janë të interesuar për këtë profesion. Unë jam i vetmi person që ka mbetur në rreth që e bën këtë punë", tha ai.