Trump pas takimit me Erdoğan: Ishte një takim i shkëlqyer
Para takimit të tyre me dyer të mbyllura, Erdoğan dhe Trump u përgjigjën pyetjeve të gazetarëve në Zyrën Ovale, pas çka presidenti Erdoğan nënshkroi në librin e mysafirëve të Shtëpisë së Bardhë
Foto: Celal Güneş/AA
Washington DC
Presidenti turk, Recep Tayyip Erdoğan, është larguar nga Shtëpia e Bardhë pasi zhvilloi bisedime me homologun e tij amerikan, Donald Trump, raporton Anadolu.
Dy presidentët zhvilluan një takim dypalësh në Zyrën Ovale, e ndjekur nga një drekë pune.
“Ishte një takim i shkëlqyer”, u tha Trump gazetarëve teksa Erdoğan po largohej nga Shtëpia e Bardhë.
Takimi i tyre zgjati dy orë e 20 minuta.
Para takimit të tyre me dyer të mbyllura, Erdoğan dhe Trump u përgjigjën pyetjeve të gazetarëve në Zyrën Ovale, pas çka presidenti Erdoğan nënshkroi në librin e mysafirëve të Shtëpisë së Bardhë.
Erdoğan ishte në New York për të marrë pjesë në sesionin e këtij viti të Asamblesë së Përgjithshme të OKB-së. Dje, ai mbërriti në kryeqytetin amerikan, ku qëndroi në ‘Blair House’, rezidencën zyrtare të mysafirëve të presidentit të SHBA-së.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
