SHBA, mbi 500 mijë fëmijë të prekur me COVID-19
Në raport thuhet se deri më 3 shtator janë konfirmuar 513.415 raste të infektimit tek fëmijët
Ankara
Në SHBA deri në fillim të shtatorit infeksioni i koronavirusit (COVID-19) është konfirmuar tek më shumë se 500 mijë fëmijë, transmeton Anadolu Agency (AA).
Në lajmet e botuara në portalin “The Hill”, thuhet se Akademia Amerikane e Pediatërve dhe Shoqata e spitaleve për fëmijë përpiloi një raport në të cilin theksohet se prej 20 gushtit deri më 3 shtator infeksioni i koronavirusit është konfirmuar tek rreth 70 mijë fëmijë dhe ka ardhur deri tek rritja prej 16 për qind në raport me dy javët e fundit.
Sipas raportit, deri më 3 shtator janë konfirmuar 513.415 raste të infektimit tek fëmijët.
Fëmijët përbëjnë më pak se 10 për qind të numrit të përgjithshëm të të infektuarve ndërsa si pasojë e infektimit kanë vdekur 1.003.
Në 18 prej 52 shteteve federale nuk është regjistruar asnjë rast vdekjeje tek fëmijët lidhur me COVID-19.
Në të dhënat e siguruara nga shtetet federale ka dallime në kategorizimin e moshës së fëmijëve, kështu që në disa shtete federale konsiderohen persona nën 18 vjeç ndërsa në të tjerët ata janë nën 14 vjeç.
Në SHBA janë konfirmuar 6.514.376 raste me COVID-19 ndërsa si pasojë e sëmundjes kanë vdekur 194.034 persona.
