Rusia regjistron numrin më të lartë të vdekjeve ditore nga COVID-19

Rusia të martën raportoi numrin më të lartë të vdekjeve në bazë ditore nga koronavirusi i ri (COVID-19) me 174 vdekje të reja, njoftuan zyrtarët, raporton Anadolu Agency (AA).

Numri i të vdekurve në shkallë vendi nga virusi është rritur në 3.807. Ndërkohë, numri i të shëruarve është gjithashtu më i larti që nga fillimi i shpërthimit, duke tejkaluar numrin e infeksioneve të reja. Një rekord prej 12,331 persona janë shëruar në 24 orët fundit dhe janë shëruar 8.915 persona, të konfirmuara gjatë së njëjtës periudhë.

Deri më tani, 362,342 njerëz janë duke u trajtuar në Rusi me COVID-19, ndërsa 131,129 të tjerë janë kuruar me sukses nga infeksioni.

Në një videokonferencë të hënën, Zëvendëskryeministri rus Dmitry Chernyshenko tha se situata është disi e qëndrueshme dhe disa ditë numri i pacientëve të shëruar tejkalon rastet e reja.

Megjithatë, Organizata Botërore e Shëndetësisë ende konsideron si të larta rreziqet e vazhdueshme të pandemisë dhe nuk ka rekomanduar që secili vend të heqë kufizimet e tij për udhëtimet e huaja për të shmangur një valë të dytë.

Megjithë masat e rrepta, të cilat përfshijnë bllokimin e kryeqytetit Moskë, ndalimin e hyrjes së të huajve dhe personave pa shtetësi, dhe pezullimin e trafikut ndërkombëtar ajror dhe hekurudhor, Rusia është vendi i tretë më i prekur nga koronavirusi për sa i përket numrit të rasteve, pas SHBA dhe Brazilit.

Dy zyrtarë të lartë rusë po trajtohen në spital për koronavirusin, ndërsa katër të tjerë u liruan më herët pas shërimit.