BAKU (AA) - Presidenti i Azerbajxhanit, Ilham Aliyev, dhe Kryeministri i Armenisë, Nikol Pashinyan, janë takuar në Abu Dhabi, kryeqytetin e Emirateve të Bashkuara Arabe (EBA), transmeton Anadolu.

Në një deklaratë të bërë nga Presidenca e Azerbajxhanit, bëhet e ditur se Aliyev dhe Pashinyan u takuan në Abu Dhabi në kuadër të procesit të paqes që vazhdon midis Azerbajxhanit dhe Armenisë.

Azerbajxhani dhe Armenia, të cilat filluan negociatat e paqes me propozimin e Bakusë pas Luftës së Dytë të Karabakut, arritën një marrëveshje mbi tekstin e marrëveshjes së paqes në mars të vitit 2025.

Administrata azerbajxhanase kishte paraqitur kushtin e ndryshimit të kushtetutës armene, e cila përmban pretendime kundër sovranitetit dhe integritetit territorial të Azerbajxhanit, si dhe shpërbërjen e Grupit të Minskut pranë Organizatës për Siguri dhe Bashkëpunim në Evropë (OSBE) të vjetruar dhe jofunksional si kushte për nënshkrimin e marrëveshjes.

Aliyev dhe Pashinyan u takuan për herë të fundit në Samitin e 6-të të Komunitetit Politik Evropian të mbajtur në Tiranë në maj.