Mbi 12 milionë raste me COVID-19 në të gjithë botën
Vdekjet e lidhura me virusin kanë arritur në afër 550 mijë në të gjithë botën ndërsa mbi 6.5 milionë njerëz janë shëruar
Ankara
Në të gjithë botën rastet me koronavirus (COVID-19) kanë tejkaluar shifrën 12 milionë, tregojnë të dhënat e Universitetit "Johns Hopkins" me qendër në SHBA, transmeton Anadolu Agency (AA).
Numri i vdekjeve nga virusi ka arritur në 548.822 ndërsa numri i të shëruarve është rritur në 6.5 milionë.
SHBA mbetet vendi më i goditur me mbi 3 milionë të prekur ndërsa numri i të vdekurve në vend tij tejkalon shifrën 132 mijë.
Brazili, i cili ka numrin më të madh të rasteve me COVID-19 dhe vdekjeve në Amerikën Latine, ka numrin e dytë të infeksioneve në të gjithë botën me mbi 1.71 milionë.
Rusia, India, Italia, Spanja dhe Britania e Madhe janë gjithashtu ndër vendet më të goditura në botë.
Kina ka regjistruar 84.946 raste deri më tani, përfshirë 4.641 vdekje dhe 79.802 shërime.
COVID-19 është përhapur në pothujase tërë botën që nga fundi i vitit të kaluar.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
