Kina regjistroi 36 raste të reja me COCID-19, 7 vdekje
Sipas agjencisë së lajmeve Xinhua, vetëm një rast i transmetuar në vend raportohet nga provinca Guangdong
Ankara
Kina sot ka regjistruar 36 raste të reja me koronavirus, 35 prej tyre kanë ardhur kohët e fundit në këtë vend nga jashtë, raportuan mediat të drejtuara nga shteti, transmeton Anadolu Agency (AA).
Sipas agjencisë së lajmeve Xinhua, vetëm një rast i transmetuar në vend raportohet nga provinca Guangdong.
Sipas agjencisë, shtatë pacientë me koronavirus, përfshirë gjashtë në provincën Hubei dhe një në Shanghai, humbën jetën të martën.
Në një deklaratë, Komisioni Kombëtar i Shëndetësisë në Kinë tha se nuk janë regjistruar vdekje nga rastet e importuara.
Janë 691 raste të konfirmuara të importuara, 20 në gjendje kritike dhe 169 raste të dyshuara”, tha komisioni.
Sipas Universitetit Johns Hopkins me qendër në SHBA, pasi u shfaq për herë të parë në Wuhan, Kinë, dhjetorin e kaluar virusi është përhapur në të paktën 180 vende dhe rajone.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
