Kina raporton 6 raste të reja me COVID-19, Koreja e Jugut 57
Komisioni Kombëtar kinez i Shëndetit tha në një deklaratë se pesë nga rastet e reja burojnë nga jashtë, duke mos raportuar viktima nga virusi në 24 orët e fundit
Ankara
Autoritetet në Kinë kanë regjistruar 6 infeksione të reja me koronavirusin e ri (COVID-19) gjatë 24 orëve të kaluara, ndërkohë që Koreja e Jugut raportoi 57 raste të reja, transmeton Anadolu Agency (AA).
Komisioni Kombëtar kinez i Shëndetit tha në një deklaratë se pesë nga rastet e reja burojnë nga jashtë, duke mos raportuar viktima nga virusi në 24 orët e fundit.
Rastet e reja janë në provincat Shanxi, Fujian, Guangdong, Hainan dhe Tianjin.
Numri i rasteve në Kinë deri më tani është 83.036, ndërsa 4.634 persona kanë humbur jetën si pasojë e COVID-19.
Nga ana tjetër, Qendra për Kontrollin dhe Parandalimin e Sëmundjeve (KCDC) e Koresë së Jugut raportoi 57 raste të reja në 24 orët e fundit, prej të cilave 27 në kryeqytetin Seul.
Numri i përgjithshëm i rasteve në Korenë e Jugut ka arritur në 11.776, ndërsa 273 persona kanë humbur jetën deri më tani.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
