Ish-kryeministri i Somalisë ndërron jetë nga COVID-19 në Londër
Mohamed Nour Adde publikoi një deklaratë në të cilën thuhet se babai i tij ndërroi jetë në "King’s College" në Londër, ku po trajtohej në javët e fundit
Mogadishu
Ish-kryeministri i Somalisë, Nour Hassan Hussein Nour Adde, ka ndërruar jetë nga koronavirusi në Britani të Madhe, njoftoi familja e tij, transmeton Anadolu Agency (AA).
Mohamed Nour Adde publikoi një deklaratë në të cilën thuhet se babai i tij ndërroi jetë në "King’s College" në Londër, ku po trajtohej në javët e fundit.
Në një bisedë telefonike për AA, senatori Ilyas Ali Hassan konfirmoi vdekjen e Adde-s.
Familja e të ndjerit ka bërë të ditur se varrimi do të bëhet në Britani, në përputhje me traditat islame.
Nour Adde ishte kryeministër i Somalisë nga nëntori i vitit 2007 deri në shkurt të vitit 2009.
"Të gjithë e njohim atë për shumë vite. Një patriot dhe zotëri i vërtetë, një bashkues", shkroi në rrjetet sociale Rashid Abdi, një analist rajonal.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
![](http://www.facebook.com/sharer.php?u=https://www.aa.com.tr/sq/bota/ish-kryeministri-i-somalisë-ndërron-jetë-nga-covid-19-në-londër/1787700&p[images][0]=https://cdnuploads.aa.com.tr/uploads/Contents/2020/04/01/thumbs_b_c_54944432015b400b755025b0baf2e060.jpg?v=125653&p[title]=Ish-kryeministri i Somalisë ndërron jetë nga COVID-19 në Londër&p[summary]=Mohamed Nour Adde publikoi një deklaratë në të cilën thuhet se babai i tij ndërroi jetë në "King’s College" në Londër, ku po trajtohej në javët e fundit){kind=link}