Bota, Shëndetësi, Koronavirusi

Indi, vazhdon rënia e numrit të rasteve me COVID-19

Të dhënat e Ministrisë së Shëndetësisë tregojnë se gjatë 24 orëve të fundit janë regjistruar 62.224 raste të reja dhe 2.542 vdekje

Emre Aytekin   | 16.06.2021
Indi, vazhdon rënia e numrit të rasteve me COVID-19

Ankara

Në Indi vazhdon të bie numri i të infektuarve me koronavirus në nivel ditor, transmeton Anadolu Agency (AA).

Të dhënat e Ministrisë së Shëndetësisë tregojnë se gjatë 24 orëve të fundit janë regjistruar 62.224 raste të reja dhe 2.542 vdekje.

Kjo njëherit është edhe numri më i ulët i të infektuarve në ditë që nga 30 marsi. Më shumë se 100 mijë të infektuar janë regjistruar në muajin prill, më shumë se 200 mijë më 15 prill, më shumë se 300 mijë më 21 prill ndërsa më 30 prill më shumë se 400 mijë të infektuar.

Deri më tani, infeksioni i koronavirusit është konfirmuar tek 29.633.105 persona ndërsa 379.573 persona kanë vdekur si rezultat i virusit.

Në 24 orët e fundit, 107.628 persona janë shëruar në Indi. Në muajin e fundit, numri i të shëruarve ka tejkaluar numrin e të sapo infektuarve, gjë që ka ulur pjesërisht presionin mbi sistemin shëndetësor të vendit.

Shkalla e shërimit është rritur në 95.8 për qind ndërsa 865.432 raste të infeksionit janë aktive.

Më shumë se 261.97 milionë doza të vaksinave janë dhënë që nga 16 janari. Megjithatë, kjo ende nuk është e mjaftueshme për të ndaluar përhapjen e infeksionit në një vend me rreth 1.4 miliardë njerëz.

Të dhënat e botuara në faqen "Worldometers" tregojnë se India është vendi i dytë me numrin e të infektuarve në botë ndërsa i treti për nga numri i rasteve të vdekjes.



Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın