Franca regjistron rekord me 41.622 raste të reja me COVID-19
Numri i të infektuarve në vend ka arritur në 999.043, ndërkohë që shifra ditore prej 41.622 rastesh është më e larta e regjistruar në gjithë Evropën deri më tani
Paris
Me regjistrimin e 41.622 rasteve të reja me koronavirusin e ri (COVID-19) në 24 orët e fundit, Franca arriti numrin më të lartë të rasteve ditore që nga fillimi i pandemisë, transmeton Anadolu Agency (AA).
Franca zgjeron ndalesën e qarkullimit në dhjetëra rajone të tjera
Sipas një deklarate nga Instituti i Shëndetit Publik, rastet e përditshme me COVID-19 po vazhdojnë të rriten me shpejtësi në vend.
Numri i të infektuarve ka arritur në 999.043, ndërkohë që shifra ditore prej 41.622 rastesh është më e larta e regjistruar në gjithë Evropën deri më tani.
Ndërkaq, 165 persona të tjerë kanë humbur jetën si pasojë e virusit në Francë, duke e çuar numrin e përgjithshëm në 34.210.
Po ashtu, 10.166 persona janë marrë për trajtim në spitalet e vendit në shtatë ditët e fundit, prej të cilëve 1.627 po trajtohen në njësitë e kujdesit intensiv.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
