Argjentinë, regjistrohet numri më i madh i vdekjeve ditore nga COVID-19
Ministria e Shëndetësisë e Argjentinës njoftoi se bëhet fjalë për numrin më të madh të të vdekurve në një ditë
Buenos Aires
Në Argjentinë gjatë 24 orëve të fundit si pasojë e COVID-19 kanë vdekur 240 persona, me çka numri i përgjithshëm i të vdekurve është rritur në 5.004, transmeton Anadolu Agency (AA).
Ministria e Shëndetësisë e Argjentinës njoftoi se bëhet fjalë për numrin më të madh të të vdekurve në një ditë.
Në njoftimin theksohet se në periudhën e njëjtë është konfirmuar koronavirusi tek 7.043 persona dhe se numri i përgjithshëm i të infektuarve arriti 260.911.
Epiqendra e infeksionit është Buenos Aires, ku me 4.576 raste që janë konfirmuar gjatë ditës së kaluar, numri i të infektuarve është rritur në 161.242.
Në Argjentinë më 20 mars me qëllim të parandalimit të përhapjes së infeksionit është vendosur orë policore, që më vonë u hoq nëpër vende ku u regjistruan më pak raste.
Ora policore, në një formë më të butë, është vazhduar në Buenos Aires deri më 16 gusht.
- Kili, 39 të vdekur gjatë 24 orëve të fundit
Në Kili gjatë 24 orëve të fundit me COVID-19 e kanë humbur jetën 39 persona, me çka numri i përgjithshëm arriti në 10.178.
Në periudhën e njëjtë janë konfirmuar 1.566 raste të reja me çka numri i përgjithshëm i të infektuarve arriti në 376.616.
Janë shëruar 349.541 persona që më herët u diagnostikuan me COVID-19.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
