TIRANË (AA) - XHIHAT ALIJU - Parku i Madh i Liqenit Artificial të Tiranës në Shqipëri, i njohur edhe si "mushkëria e qytetit", është i mbushur plot me vizitorë me ardhjen e pranverës, raporton Anadolu.

Përderisa përpjekjet për zhvillim urban janë përshpejtuar në Tiranë vitet e fundit, interesi për Parkun e Madh të Liqenit, i përshkruar nga qytetarët si "mushkëria e qytetit", rritet me ardhjen e pranverës.

Parku, i cili përbën masivin më të madh të gjelbërimit në qytetin e Tiranës midis ndërtesave të lartë dhe strukturave prej guri, është ndër vendet më të vizituara në qytet nga turistët vendas dhe të huaj.

Parku, ndërtimi i të cilit filloi në vitet 1950, përfshin një liqen të madh artificial që mbulon një sipërfaqe prej rreth 5 hektarësh, i krijuar në vitin 1955 me ujë të marrë nga ujërat përreth.

Parku, ku filloi mbjellja e gjelbërimit në vitin 1957, sot pret shumë aktivitete, nga sportet deri te ngjarjet kulturore, me një sipërfaqe prej afërsisht 157 hektarësh.

- Në park gjenden 32.958 copë drurë dhe shkurre të ndara në drurë pyjorë, drurë frutorë dhe shkurre të ndryshme

Parku, i cili tërheq vëmendje të madhe veçanërisht në fundjavë, tërheq vëmendjen me shtigjet për këmbësorë, pistat e biçikletave, këndet e lojërave për fëmijë, kafenetë në ajër të hapur, kopshtet botanike, si dhe një amfiteatër ku mbahen shfaqje gjatë muajve të verës.

Brenda parkut gjithashtu gjenden edhe varret e ushtarëve britanikë dhe gjermanë të vdekur gjatë Luftës së Dytë Botërore dhe të Familjes Mbretërore Shqiptare.

Në Parkun e Madh të Liqenit të Tiranës ka një bimësi me rreth 32.958 copë drurë dhe shkurre të ndara në drurë pyjorë, drurë frutorë dhe shkurre të ndryshme.

Ndërkohë, në park gjithashtu gjendet edhe Parku i Demokracisë i 15 Korriku dhe Memoriali i Dëshmorëve të 15 Korrikut, ndërtuar nga Agjencia Turke për Bashkëpunim dhe Koordinim (TIKA).