Maqedonia e Veriut brenda 24 orëve të fundit ka regjistruar 83 raste të tjera të koronavirusit COVID-19, si dhe 79 pacientë që fituan betejën kundër virusit, transmeton Anadolu Agency (AA).

Sipas të dhënave të Ministrisë së Shëndetësisë, numri i përgjithshëm i rasteve të konfirmuara me COVID-19 në vend është 310.942, prej të cilëve 301.114 janë shëruar.

Në raportin e Ministrisë janë regjistruar dy viktima nga koronavirusi, me çka numri i përgjithshëm i vdekjeve nga virusi është 9.293.

Që nga shpërthimi i pandemisë, autoritetet shëndetësore të vendit kanë kryer 2.039.981 teste të dyshuara për COVID-19, përfshirë 1.430 teste të kryera brenda ditës së fundit.

Aktualisht numri i rasteve aktive me COVID-19 në Maqedoninë e Veriut është 535.