Maqedonia e Veriut gjatë 24 orëve të fundit ka regjistruar 305 raste të tjera të koronavirusit të ri (COVID-19), si dhe 11 viktima, transmeton Anadolu Agency (AA).

Sipas të dhënave të Ministrisë së Shëndetësisë, numri i përgjithshëm i rasteve të konfirmuara me koronavirus në vend ka arritur në 102.787, ndërsa numri i të vdekurve në 3.137.

Institucionet shëndetësore tregojnë se 167 pacientë të tjerë janë shëruar nga virusi, duke e çuar në gjithsej 91.233 numrin e përgjithshëm të pacientëve të shëruar të cilët paraprakisht ishin të prekur nga koronavirusi.

Që nga shpërthimi i pandemisë, autoritetet shëndetësore kanë kryer gjithsej 522.518 teste të dyshuara për COVID-19, përfshirë 2.533 teste të kryera brenda ditës së fundit.

Aktualisht numri i rasteve aktive me COVID-19 në Maqedoninë e Veriut është 8.417.