Bendi i Komandës së Forcave Ajrore i Turqisë mbajti një koncert në qytetin e Prizrenit me rastin e 19 majit, Ditës së Përkujtimit të Ataturkut, Rinisë dhe Sporteve, raporton Anadolu.

Koncerti i mbajtur në sheshin historik Shatërvan në qendër të Prizrenit tërhoqi interesim të madh nga prizrenasit dhe turistët që vizitojnë qytetin.

Në koncertin, ku u performuan marshime, këngë dhe interpretime të ndryshme popullore, morën pjesë konsulli i përgjithshëm i Turqisë në Prizren, Celal Doğan, deputetja e Partisë Demokratike Turke të Kosovës (KDTP), Fidan Brina Jılta, kreu i Komitetit Përfaqësues të Turqisë në Kosovë, kolonel Ersin Çelikkanat, si dhe përfaqësues të institucioneve turke që shërbejnë në vend.

Bendi i Komandës së Forcave Ajrore nesër do të mbajë koncert në Kazermën “Sulltan Murati” në Prizren, ku ndodhet Komiteti Përfaqësues i Turqisë në Kosovë dhe më 20 maj në qendër të kryeqytetit Prishtinë, me rastin e 19 majit, Ditës së Përkujtimit të Ataturkut dhe Ditës së Rinisë dhe Sporteve.