Turqia riatdheson 2 terroristë të huaj në Belgjikë
Ministri i Brendshëm, Süleyman Soylu më herët njoftoi se 11 shtetas të Francës, pjesëtarë të grupit terrorist DEASH, do të kthehen në shtetin e tyre të origjinës në fillim të muajit dhjetor
Ankara
Ministria e Punëve të Brendshme të Turqisë ka njoftuar se ka riatdhesuar 2 luftëtarë të huaj terroristë në Belgjikë, transmeton Anadolu Agency (AA).
Përmes një postimi në Twitter, nga Ministria e Brendshme njoftojnë se shtetasit e Belgjikës janë kthyer në vendin e tyre të origjinës si pjesë e përpjekjeve të Turqisë për të riatdhesuar luftëtarët e huaj terroristë.
Dje, ministri i Punëve të Brendshme, Süleyman Soylu njoftoi se 11 shtetas të Francës, pjesëtarë të grupit terrorist DEASH, do të kthehen në shtetin e tyre të origjinës në fillim të muajit dhjetor.
"Këtë javë ne do të bëjmë riatdhesime në Belgjikë dhe Irlandë", tha Soylu.
Disa vende evropiane i kanë rezistuar përpjekjeve të Turqisë për të riatdhesuar terroristët e DEASH-it, por Turqia është zotuar të vazhdojë përpara.
Që nga viti 2013, Turqia është sulmuar shumë herë nga terroristët e DEASH-it, sulme nga të cilat jetën e kanë humbur 315 persona dhe qindra janë plagosur.
Në përgjigje të sulmeve, Turqia filloi operacione kundër-terroriste brenda dhe jashtë vendit, duke neutralizuar 3.500 terroristë të DEASH-it dhe duke arrestuar 5.500 të tjerë.
