Ministria e Jashtme Turke njoftoi sot se janë duke vazhduar përpjekjet për kthimin e 14 shtetasve turq, të cilët ende mbahen në paraburgim në Izrael pas sulmit ndaj anijeve të Flotiljes Globale "Sumud", transmeton Anadolu.

"Po bëhen përpjekje për të mundësuar kthimin e tyre në vendin tonë nëpërmjet Jordanisë të martën (7 tetor)", tha zëdhënësi i ministrisë Oncu Keceli në një deklaratë në kompaninë amerikane të mediave sociale X, duke shtuar se detaje të mëtejshme të procesit pritet të sqarohen më vonë.

Të shtunën, 36 shtetas të tjerë turq, të cilët kishin qenë gjithashtu në anijet e sekuestruara, u kthyen në Turqi me një fluturim të posaçëm.