Turqia "neutralizon" 11 terroristë të YPG/PKK në veri të Sirisë
Terroristët u "neutralizuan" në zonën e Operacionit turk "Burimi i Paqes", njoftoi Ministria e Mbrojtjes Kombëtare
Ankara
Forcat turke të sigurisë "neutralizuan" 11 terroristë të YPG/PKK në veri të Sirisë, përtej kufirit me Turqinë, njoftuan sot autoritetet, transmeton Anadolu Agency (AA).
Duke ndarë pamjet e operacioneve të kryera nga forcat turke, Ministria turke e Mbrojtjes Kombëtare tha në Twitter se terroristët u përpoqën të infiltrohen dhe sulmojnë zonën e Operacionit "Burimi i Paqes".
Ministria tha se komandot turq parandaluan një përpjekje për sulm nga terroristët e YPG/PKK-së, duke neutralizuar 11 prej tyre.
Autoritetet turke përdorin termin "neutralizuar" për të nënkuptuar se terroristët në fjalë u dorëzuan, u vranë ose janë kapur.
Që nga viti 2016, Turqia nisi disa operacione të suksesshme antiterroriste përgjatë kufirit me Sirinë ndërsa qëllimi ishte parandalimi i formimit të korridorit terrorist, duke synuar mundësimin e mjedisit të sigurt për kthimin e banorëve. Bëhet fjalë për operacionet “Mburoja e Eufratit” (2016), “Dega e Ullirit” (2018) dhe “Burimi i Paqes” (2019).
Në fushatën e saj terroriste më shumë se 35-vjeçare kundër Turqisë, PKK, e renditur si organizatë terroriste nga Turqia, SHBA-ja dhe BE-ja, ka qenë përgjegjëse për vdekjen e 40 mijë personave, përfshirë shumë gra, fëmijë dhe foshnja. YPG është dega siriane e PKK-së.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.