Ministri i Energjisë dhe Resurseve Natyrore të Turqisë, Fatih Dönmez tha se do të fillojnë prodhimin serik të dezinfektuesit për duar që përmban bor në kuadër të masave kundër koronavirusit të ri (Covid-19), transmeton Anadolu Agency (AA).

Dönmez në mesazhin e publikuar në llogarinë e tij në Twitter tha se presidentit të Turqisë, Recep Tayyip Erdoğan i kanë paraqitur hapat e ndërmarrë për shërbim të pandërprerë në energji në kuadër të masave kundër Covid-19.

"Me urdhëzimet e presidentit tonë, fillojmë prodhimin serik të dezinfektuesit që përmban bor, fazën për hulumtim dhe zhvillim të së cilës kemi përfunduar. Së shpejti do të jetë në shërbim të popullit tonë", shkroi ai.