Turqi, vazhdojnë përpjekjet e shpëtimit të 3 personave në anijen e fundosur
Guvernatori i Bartın-it, Sinan Güner për AA tha se për shkak të stuhisë së dëborës, njësitë detare nuk mund të vendosnin për aktivitete kërkimi dhe shpëtimi
Ankara
Përpjekjet e kërkimit dhe shpëtimit për tre personat e zhdukur janë duke u zhvilluar, pasi një anije mallrash me flamur të Palau-t u fundos të dielën në brigjet e provincës Bartın të Detit të Zi të Turqisë, bëri të ditur sot një zyrtar, raporton Anadolu Agency (AA).
Guvernatori i Bartın-it, Sinan Güner, për AA tha se për shkak të stuhisë së dëborës, njësitë detare nuk mund të vendosnin për aktivitete kërkimi dhe shpëtimi.
"Ne vazhdojmë aktivitetet e kërkimit dhe shpëtimit nga toka, por nga ajri dhe deti nuk është e mundur. Do të aktivizojmë një helikopter kur moti të jetë i përshtatshëm. Aktualisht nuk po ndalojmë aktivitetet e kërkimit", tha Güner.
Ai theksoi se gjashtë anëtarë të personelit që u shpëtuan të dielën janë në gjendje të mirë shëndetësore dhe do të lirohen pas procesit diplomatik.
Sipas guvernatorit, një nga trupat u identifikua si kapiteni Galenko Witaly, një shtetas rus 37 vjeçar.
Tre anëtarë të tjerë të ekuipazhit në bordin e anijes Arvin u vunë re në një zonë shkëmbore dhe ekipet e shpëtimit u përpoqën të arrinin në vendndodhjen nga toka, tha ai.
Anija Arvin me 12 anëtarë të ekuipazhit në bord ishte drejtuar në Portin Burgas në Bullgari përpara aksidentit.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.