Turqi, një tërmet 4,2 ballë dridh Stambollin
AFAD njoftoi se epiqendra e tërmetit ishte në Detin Marmara dhe ishte pranë qarkut bregdetar Marmaraereğlisi në provincën veriperëndimore Tekirdag, që kufizohet me Stambollin
Stamboll
Një tërmet me fuqi prej 4,2 ballë është ndjerë në Stamboll, bëri të ditur sot Autoriteti i Menaxhimit të Fatkeqësive dhe Emergjencave të vendit (AFAD), transmeton Anadolu Agency (AA).
AFAD njoftoi se epiqendra e tërmetit ishte në Detin Marmara në ora 16:38 sipas kohës lokale dhe ishte pranë qarkut bregdetar Marmaraereğlisi në provincën veriperëndimore Tekirdag, që kufizohet me Stambollin.
Epiqendra e tij ishte 6,83 kilometra nën sipërfaqen e tokës.
Zyra e Guvernatorit të Stambollit tha se nuk është raportuar asnjë viktimë deri më tani.
"Nuk është raportuar asnjë zhvillim negativ për shkak të tërmetit", thuhet në njoftimin e zyres.
Në 1999, një tërmet me fuqi 7,4 ballë goditi provincën industriale të Kocaeli në lindje të Stambollit, duke shkaktuar vdekjen e mbi 18 mijë personave.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.