Balonat shumëngjyrëshe me ajër pushtuan qiejt e Pamukkales në Turqinë jugperëndimore të shtunën në mëngjes, pasi aktiviteti i famshëm turistik rifilloi pas një pauze prej mbi pesë muajsh për shkak të pandemisë koronavirusit, raporton Anadolu Agency (AA).

❮❯

Turqi, balonat shfaqen përsëri ne qiell pas ndalesës disamujore

Balonat shumëngjyrëshe me ajër pushtuan qiejt e Pamukkales në Turqinë jugperëndimore të shtunën në mëngjes, pasi aktiviteti i famshëm turistik rifilloi pas një pauze prej mbi pesë muajsh për shkak të pandemisë koronavirusit. Destinacioni i Trashëgimisë Botërore të UNESCO-s në provincën Denizli është i famshëm për ujërat termale të pasura me minerale dhe tarracat e bardha të travertës. ( Sebahatdin Zeyrek - Anadolu Agency )

Destinacioni i Trashëgimisë Botërore të UNESCO-s në provincën Denizli është i famshëm për ujërat termale të pasura me minerale dhe tarracat e bardha të travertës.

Shëtitjet me balona, të cilat u japin vizitorëve mundësinë për të parë shkëlqimin natyror të zonës nga lart, u ndërprenë më 15 mars si pjesë e masave për frenimin e përhapjes së COVID-19.

Zona Kocaçukur e Pamukkales tërhoqi një numër turistësh të shtunën në mëngjes, të cilët u rreshtuan për udhëtimet e tyre me balona në agim, duke vendosur maska dhe duke ndjekur rregullat e distancës sociale.

Muhammet Kaplan, i cili drejton një kompani për turne me balona, për AA tha se operatorët turistikë ishin të lumtur që rindezën bizneset e tyre pasi tejkaluan një periudhë të vështirë prej mbi pesë muaj.

"Ka pasur një interes në rritje për turne me balona në Pamukkale. Të gjithë u detyruam të bënim një pushim për shkak të pandemisë, por sot jemi edhe një herë në gjendje të shohim lindjen e bukur të diellit nga qielli”, tha Kaplan.

“Ne jemi duke marrë të gjitha masat e nevojshme. Rregullisht përdorim dezinfektuesit, pasagjerët nuk lejohen të hipin pa maskë, kontrollohet temperatura e tyre dhe të gjithë duhet të ndjekin rregullat e distancës sociale", shtoi ai.

Maya Simone Acosta, një qytetare amerikane, e cila ka vizituar Turqinë disa herë, ndau emocionet e saj: “Është shumë bukur këtu; ju mund të vizitoni Turqinë pa ndonjë frikë. Të fluturosh në këto balona është si një ëndërr. Është një ndjenjë e mirë të ngjitesh mbi re”.