Turqia

Türkiye kritikon BE-në për dështimin e fillimit të negociatave me Shqipërinë dhe Maqedoninë e Veriut

Në deklaratë gjithashtu i kërkohet BE-së që të janë kandidaturë edhe për Bosnje e Hercegovinën, duke theksuar se kjo do të ishte në dobi të gjeografisë më të gjerë evropiane, përfshirë Ballkanin

Ahmet Gencturk   | 24.06.2022
Türkiye kritikon BE-në për dështimin e fillimit të negociatave me Shqipërinë dhe Maqedoninë e Veriut

Ankara

Türkiye (Turqia) shprehu kritika për dështimin e vazhdueshëm për të nisur negociatat për anëtarësim me Shqipërinë dhe Maqedoninë e Veriut, pavarësisht se këto vende tashmë janë vende kandidate, transmeton Anadolu Agency (AA).

Nga ana tjetër, Ministria e Punëve të Jashtme (MPJ) turke në një deklaratë përshëndeti vendimin e samitit për t'u dhënë Ukrainës dhe Moldavisë statusin e kandidatit për anëtarësim në BE, si dhe njohjen e perspektivës evropiane të Gjeorgjisë.

Në deklaratë gjithashtu i kërkohet BE-së që të janë kandidaturë edhe për Bosnje e Hercegovinën, duke theksuar se kjo do të ishte në dobi të gjeografisë më të gjerë evropiane, përfshirë Ballkanin.

Në deklaratë thuhet se Türkiye beson se BE duhet të angazhohet sinqerisht me të gjitha vendet kandidate dhe se pranimi duhet të përparojë në bazë të meritës.

Türkiye kritikon vendimet e Samitit të BE-së për Egjeun dhe Mesdheun

Türkiye kritikoi vendimet e Samitit të BE-së për Egjeun dhe Mesdheun. Nga MPJ-ja turke në deklaratë thonë se vendimet, të miratuara të premten në fund të samitit dy-ditor të liderëve në Bruksel, janë me paragjykime, nuk kanë vizion dhe janë të shkëputura nga realiteti.

Duke përmendur disa pozicione dhe veprime të politikës greke, duke përfshirë pretendimin e saj për 10 milje detare të hapësirës ajrore kombëtare, militarizimin e ishujve të Egjeut pranë bregdetit turk dhe kthimin e azilkërkuesve, MPJ-ja turke nënvizoi se heshtja e BE-së për këto çështje nuk kontribuon asgjë në drejtim të zgjidhjes së tyre dhe dëmton stabilitetin rajonal.

Në deklaratë gjithashtu thuhet se përpjekjet e BE-së për të legjitimuar maksimalizmin dhe paligjshmërinë në lidhje me Mesdheun Lindor dhe Detin Egje janë "të papranueshme".

Türkiye mban qëndrimin e saj në favor të së drejtës ndërkombëtare dhe marrëdhënieve të fqinjësisë së mirë, thuhet në deklaratë, duke shtuar se kjo tregon josinqeritetin e BE-së se do t'i përgjigjet këtij qëndrimi me tensione dhe përshkallëzim të qëllimshëm.

BE duhet të ndalojë së sakrifikuari përfitimet që do të siguronte procesi i pranimit dhe bashkëpunimi me Türkiye-n në vend të pretendimeve mendjengushta, të paligjshme dhe maksimaliste të Greqisë dhe administratës greke qipriote, thonë nga ministria, duke deklaruar se kjo do të ishte gjithashtu në interesin e vetë BE-së.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın