Ministria e Punëve të Brendshme të Türkiye-s njoftoi se janë arrestuar 5 anëtarë të organizatës terroriste DEASH, të ashtuquajturit shefi i drejtësisë, inteligjencës, arsimit dhe mediave sociale, të cilët po përgatitnin sulme, transmeton Anadolu Agency (AA).

Ramo Muhammed Al-Hamed, me emrin e koduar "Rami Remo", i ashtuquajturi zyrtari gjyqësor i DEASH-it, i cili u lirua nga organizata terroriste PKK/KCK/PYD/YPG nga burgu sirian i Haseke El Kef me kusht që të shkonte në Jarabulus, u kap më 31 gusht, në një operacion nga Komanda e Xhandarmërisë në Gaziantep dhe Forcat Operative të Xhandarmërisë Siriane. Al-Hamed ishte duke përgatitur sulme.

Përveç Hamed-it, gjithashtu janë arrestuar Ibrahim Al-Salih, me emrin e koduar "Abu Resul", i ashtuquajturi oficer i inteligjencës së DEASH-it, Husam Dawood, me emrin e koduar "Abu Eyup", i ashtuquajturi menaxher i mediave sociale, Ahmed El Helo, me emrin e koduar "Abu Abdurrahman El Shami", i ashtuquajturi zyrtar arsimor dhe Kemi Aydan, me emrin e koduar "Ebu Rashid". Terroristët në fjalë ishin duke përgatitur të kryenin sulme në Türkiye ndërsa u arrestuan në përpjekje për të kaluar kufirin në rajonin e qytetit sirian Jarabulus.

Më tej bëhet e ditur se gjithashtu janë arrestuar 6 informatorë të terroristëve që u identifikuan si ndihmësit e tyre. Është sekuestruar një pushkë AK-47 e njohur si kallashnikov.