Në rajonin Tuzla të Stambollit, disa varka të ankoruara përgjatë bregdetit u përmbysën për shkak të një stuhie të fortë, raporton Anadolu.

Stuhia e fortë, e cila filloi në mëngjes dhe u intensifikua me shi të rrëmbyeshëm rreth mesditës, ndikoi negativisht në shumë zona të qytetit.

Në bregdetin e Tuzlës, valët u ngritën për shkak të stuhisë, duke shkaktuar përmbysjen e disa prej varkave të ankoruara. Disa varka u dëmtuan pasi u përplasën në breg ndërsa disa të tjera u fundosën.

Pas kësaj, pronarët e varkave u panë duke mbërritur në zonë dhe duke bërë përpjekje për të marrë masa paraprake.