Ibrahim Varol, i cili merr pjesë në evente me makinën e tij klasike, u jep dënime simbolike shoferëve që e duan nostalgjinë si ai dhe i bën ata të buzëqeshin, duke veshur uniformën e policisë së trafikut të viteve 1970-ta, raporton Anadolu.

Duke punuar si menaxher në një kompani private në Stamboll, 44-vjeçari Varol që nga rinia e tij u interesua për automjetet, rrobat dhe sendet nostalgjike.

Rreth 10 vjet më parë, Varol gjeti makinën klasike të vitit 1973 që e kishte dëshiruar gjithmonë dhe me kalimin e kohës, zgjodhi rroba nostalgjike.

Duke u shtuar këtyre edhe uniformën e policisë së trafikut të viteve '70, Varol merr pjesë në festivalet e makinave klasike me këtë veshje dhe prodhon përmbajtje për llogarinë e tij në mediat sociale, duke u shfaqur në evente me dorëza të bardha, kapelë, uniformë dhe një radio në dorë.