Turqia po merr të gjitha masat e nevojshme për lirimin e menjëhershëm të një gazetari dhe kameramani të CNN Turk, të cilët u ndaluan në Izrael, tha sot shefi i komunikimit të vendit, transmeton Anadolu.

"Qeveria po ndërmerr hapat e nevojshëm për lirimin e shpejtë të gazetarëve tanë dhe po e monitoron nga afër situatën", tha Burhanettin Duran në platformën turke të mediave sociale NSosyal.

"Ne përballemi përsëri me një nga sulmet e Izraelit që synon anëtarët e shtypit në një përpjekje për të fshehur të vërtetën", shtoi ai.