Presidenti turk, Recep Tayyip Erdoğan, uroi Azerbajxhanin për ditën e pavarësisë, duke thënë se fitorja në Karabak “po ndriçon rrugën e një Azerbajxhani shumë më të fortë”, raporton Anadolu.

Duke folur në një aktivitet për të përkujtuar 34-vjetorin e Ditës së Pavarësisë së Azerbajxhanit në Laçin, të cilën Azerbajxhani e fitoi si rezultat i luftës së Nagorno-Karabakut në vitin 2020, Erdoğan tha se fitorja e vendit në luftë e bëri atë më të fortë dhe më të begatë.

“Fitorja në Karabak e ka bërë Azerbajxhanin shumë më të fortë dhe më të begatë sot. Pishtari i pavarësisë i ndezur atë ditë po ndriçon rrugën e një Azerbajxhani shumë më të fortë”, tha ai.

“Pas 30 vitesh robëri, tani është koha që Karabaku të shkruajë një histori suksesi, paqeje dhe zhvillimi”, theksoi presidenti turk.