Presidenti palestinez Mahmoud Abbas përshëndeti mbështetjen që Turqia i dha popullit palestinez dhe kauzës së drejtë palestineze, transmeton Anadolu Agency (AA).

Abbas takoi ministrin e Jashtëm turk, Mevlüt Çavuşoğlu, në Ramallah dhe diskutoi kauzën palestineze dhe sulmet e Izraelit ndaj palestinezëve.

Sipas agjencisë zyrtare palestineze të lajmeve WAFA, Abbas i tha Çavuşoğlu-t se Palestina është e përkushtuar ndaj detyrimeve të saj sipas ligjit ndërkombëtar dhe gjetjes së një horizonti politik për t'i dhënë fund pushtimit izraelit.

Abbas theksoi gjithashtu rëndësinë e vazhdimit të punës së Komitetit të Përbashkët Turqi-Palestinë për të forcuar lidhjet dypalëshe midis dy vendeve.

Nëntë marrëveshje dhe Memorandume Mirëkuptimi u nënshkruan gjithashtu në Ministrinë e Jashtme Palestineze në Ramallah si pjesë e punës së komitetit.

Komiteti u formua në vitin 2010 dhe përbëhet nga përfaqësues nga të dyja palët, duke përfshirë ministrat.