Të paktën 19 të dyshuar të lidhur me grupin terrorist DEASH u arrestuan në Istanbul, njoftuan burimet turke të sigurisë, transmeton Anadolu Agency (AA).

Arrestimet u kryen në operacione të njëkohshme në 20 lokacione në metropolin turk pasi ekipet lokale të antiterrorizmit kishin gjurmuar 20 të dyshuar, sipas burimeve të sigurisë.

Policia turke vazhdon kërkimet për të dyshuarin e mbetur, shtuan burimet.

Në vitin 2013, Türkiye u bë një nga vendet e para që e shpalli DEASH-in grup terrorist.

Vendi që atëherë është sulmuar disa herë nga grupi terrorist, me mbi 300 njerëz të vrarë dhe qindra të tjerë u plagosën në të paktën 10 sulme vetëvrasëse, shtatë sulme me bomba dhe katër sulme të armatosura.

Si kundërpërgjigje, Türkiye nisi operacione kundër terroristëve brenda dhe jashtë vendit për të parandaluar sulme të mëtejshme.