ANKARA (AA) – Në një sulm ajror të Forcave të Armatosura të Turqisë (TSK) në veri të Irakut u neutralizua Hasan Cakmak i cili njiheh si kreu i logjistikës së organizatës terroriste PKK, raporton Anadolu Agency (AA).

Shtatmadhoria e Ushtrisë Turke përmes një njoftimi konfirmon se Cakmak ishte një nga tre terrorsitët e neutralizuar gjatë sulmit të bombarduesve turq më 13 korrik në veri të Irakut.

TSK në Twitter ka publikuar pamjet e sulmit në të cilin shihet se si një predhë shkatërron një makinë në momentet kur terroristët po kontrabandonin drogë dhe armë.

Irak’ın kuzeyine, 13 Temmuz 2018 tarihinde yapılan hava harekâtında bölücü terör örgütünün lojistik sorumlusu Delil Karakoçan kod adlı Hasan Çakmak’ın da aralarında bulunduğu 3 terörist, silah, mühimmat ve uyuşturucu madde alışverişi esnasında etkisiz hale getirilmiştir. pic.twitter.com/z8SRM748MP

— TSK (@TSKGnkur) July 19, 2018

Cakmak ishte i njohur si shef i logjistikës së organizatës terroriste PKK, ndërsa njihej me emrin e koduar “Delil Karakocan“.

PKK cilësohet si organizatë terroriste nga Turqia, SHBA dhe BE. Në fushatën terroriste kundër Turqisë, e cila ka zgjatur më shumë se tre dekada, janë vrarë mbi 40 mijë njerëz, përfshirë gra dhe fëmijë.

Malet Kandi, Gara, Metin, Avashin-Basyan, Hakurk dhe Zap ndodhen në veri të Irakut, përgjatë vijës kufitare turko-irakiane dhe njëherësh kjo zonë njihet si djepi i lëvizjes terroriste të PKK-së.

Përveç Turqisë dhe veriut të Irakut, forcat turke zhvillojnë luftë gjithëpërfshirëse kundër terroristëve të PKK-së edhe në veri të Sirisë.