Ndalohen 88 migrantë të parregullt në Turqi

Së paku 88 migrantë të parregullt u ndaluan në kryeqytetin turk Ankara, theksuan sot burime lokale, raporton Anadolu Agency (AA).

Si pjesë e një hetimi mbi kontrabandimin e migrantëve dhe trafikimit të qenieve njerëzore, ekipet e policisë zhvilluan një operacion në rrethet Etimesgut dhe Mamak të Ankarasë ku ata ndaluan të paktën 88 migrantë, tha burimi.

Në mesin e migrantëve, 51 ishin nga Afganistani, 17 nga Pakistani, 17 nga Bangladeshi dhe tre shtetas nga Uzbekistani.

Po ashtu, 4 të dyshuar tjerë u arrestuan për lidhje të dyshuara me trafikim njerëzor.

Turqia ka qenë një pikë kyçe transiti për migrantët e parregullt që dëshirojnë të arrijnë në Evropë për të filluar jetë të re, veçanërisht ata që ikin nga lufta dhe persekutimi.