Ministri i Punëve të Jashtme i Turqisë, Hakan Fidan, ka diskutuar zhvillimet rajonale me homologët e tij nga Katari dhe Azerbajxhani, raporton Anadolu.

Sipas burimeve diplomatike turke, Fidan zhvilloi telefonata të ndara me ministrin e Punëve të Jashtme të Katarit, Mohammed bin Abdulrahman Al Thani dhe ministrin e Punëve të Jashtme të Azerbajxhanit, Jeyhun Bayramov.

Gjatë telefonave, ministrat gjithashtu shprehën solidaritetin dhe mbështetjen e tyre në lidhje me raketat e lëshuara drejt Turqisë.

Më herët, Ministria e Mbrojtjes e Turqisë tha se një municion balistik i lëshuar nga Irani në hapësirën ajrore turke u neutralizua nga mjetet ajrore dhe të mbrojtjes raketore të NATO-s të vendosura në Mesdheun Lindor.

Ky ishte incidenti i tretë i tillë që nga lufta e SHBA-së dhe Izraelit kundër Iranit.

Izraeli dhe SHBA-ja nisën një sulm të përbashkët ndaj Iranit më 28 shkurt, duke vrarë deri më tani rreth 1.300 njerëz, përfshirë ish-liderin suprem, Ali Khamenei.

Teherani u përgjigj me sulme me dronë dhe raketa që synonin Izraelin, Jordaninë, Irakun dhe vendet e Gjirit që strehojnë asete ushtarake amerikane, duke rezultuar në viktima dhe dëme në infrastrukturën civile.