Forcat turke të sigurisë arrestuan një të dyshuar si terrorist të DEASH-it, i cili dyshohet se po përgatiste një sulm për Vitin e Ri, sipas forcave të sigurisë, transmeton Anadolu.

Organizata Kombëtare e Inteligjencës e Turqisë (MIT), në bashkëpunim me policinë, arrestoi të dyshuarin të identifikuar si Ibrahim Burtakucin, në provincën lindore Malatya.

Gjetjet e inteligjencës treguan se Burtakucin kishte vepruar në Turqi në emër të grupit terrorist DEASH dhe kishte kërkuar të udhëtonte në zonat e konfliktit për t'u bashkuar me grupin kur ishte e mundur.

Ai gjithashtu besohet se ka qenë në kontakt me shumë simpatizantë të DEASH-it në Turqi dhe jashtë vendit.

Gjatë operacionit u sekuestruan materiale digjitale dhe botime të ndaluara të lidhura me të dyshuarin dhe grupin militant.