Forcat turke neutralizojnë 5 terroristë të PKK-së në veri të Irakut
"Forcat e Armatosura të Turqisë vazhdojnë pa ndërprerë operacionet për të depërtuar në thellësi të strehimoreve të terroristëve", thuhet në deklaratën e Ministrisë turke të Mbrojtjes
Ankara
Ministria e Mbrojtjes e Turqisë njoftoi se në operacionet "Kthetra-Rrufeja" dhe "Kthetra-Vetëtima" në veri të Irakut janë neutralizuar 5 terroristë të PKK-së, transmeton Anadolu Agency (AA).
Në një deklaratë nga llogaria e medias sociale të ministrisë, thuhet se "Forcat e Armatosura të Turqisë vazhdojnë pa ndërprerë operacionet për të depërtuar në thellësi të strehimoreve të terroristëve".
Sipas ministrisë, janë neutralizuar edhe 5 terroristë që u përcaktuan në kuadrin e operacioneve "Kthetra-Rrufeja" dhe "Kthetra-Vetëtima" në veri të Irakut".