Forcat turke neutralizojnë dy terroristë të PKK-së

Forcat e Armatosura të Turqisë kanë neutralizuar dy terroristë në rajonin Metina në veri të Irakut në koordinim me operacionin antiterrorist "Kthetra" që filloi në muajin maj, njoftoi Ministria turke e Mbrojtjes, transmeton Anadolu Agency (AA).

Terroristët e PKK-së janë neutralizuar në kuadër të një ofensive ajrore të avionëve turq, tha ministria në njoftimin e saj.

Ndryshe, më 27 maj, Turqia nisi operacionin "Kthetra" në Hakurk të Irakut kundër organizatës terroriste PKK.

Në fushatën e saj më shumë se 30-vjeçare kundër Turqisë, PKK, e cilësuar si organizatë terroriste nga Turqia, SHBA-të dhe Bashkimi Evropian (BE), ka qenë përgjegjëse për vdekjen e rreth 40 mijë njerëzve, përfshirë shumë gra dhe fëmijë.