Fermerët turq kultivojnë lakër gjigante me peshë mbi 50 kilogramë
Kultivimi i lakrës ka përfunduar me sukses në 500 hektarë tokë duke sjellë buzëqeshje në fytyrat e fermerëve këtë sezon.
Foto: Hilmi Tunahan Karakaya/AA
Erzurum
TEVHID FURKAN NEHRI
Fermerët turq nga lugina Pasinler në qytetin lindor Erzurum kanë arritur të kultivojnë lakër gjigante që tejkalojnë peshë prej mbi 50 kilogramë.
Kultivimi i lakrës ka përfunduar me sukses në 500 hektarë tokë duke sjellë buzëqeshje në fytyrat e fermerëve këtë sezon.
Fermerët që prodhojnë lakrat e tyre me "fara speciale" nuk fshehin lumturinë e tyre pasi lakrat që priteshin të peshojnë midis 15-25 kilogramëve në disa fusha kanë tejkaluar peshën prej 50 kilogramësh.
Hasbi Dursun, një fermer 65-vjeçar në Pasinler, i tha Anadolus se ai arriti të prodhonte 57 kilogramë lakër duke përdorur "fara speciale".
"Qëllimi im është të prodhoj lakër 80 kilogramë sezonin e ardhshëm. Nëse jetoj, synoj të prodhoj edhe 100 kilogramë", tha ai duke shtuar se farat janë prodhim vendas.
Një fermer tjetër Numan Sertoglu deklaroi gjithashtu se ishin të kënaqur me sezonin dhe vuri në dukje se lakra me peshë mbi 50 kilogramë mund të kultivohej vetëm në Pasinler.
"Farat tona janë fara të trashëguara. Ne i kultivojmë dhe i mbjellim vetë. Sekreti i cilësisë së lakrës sonë janë farat tona të trashëguara. Ne besojmë se këto fara janë mbi 100 vjeçare", tha ai.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
