Mücahit Demir (81-vjeç) i cili ka ushtruar zanatin e farkëtarit për pesë breza në lagjen Merzifon të Amasyas, ka farkëtuar hekur për 70 vjet.

Duke filluar mësimin e tij si çirak me të atin në moshën 11-vjeç, Mücahiti vazhdon profesionin e tij, i cili ishte në prag të zhdukjes, me të njëjtin pasion që kishte kur filloi për herë të parë.

Në dyqanin e tij në zonën e vogël industriale në Merzifon, ai riparon dhe prodhon vegla të tilla si shata, sëpata, kazma, grabujë dhe plugje traktorësh, duke e mbajtur gjallë profesionin e tij deri më sot.

Mjeshtri i konsideruar si një nga përfaqësuesit e fundit të profesionit, synon të vazhdojë punën e tij për aq kohë sa ia lejon shëndeti.

Mücahit Demir për Anadolu tha se është i lumtur që do të vazhdojë zanatin familjar. Ai tha se formësimi i hekurit të nxehtë duke e shtypur me çekiç i jep qetësi. "Ky profesion ka histori të gjatë me ne. Profesioni ynë është i rrënjosur në rrënjët tona. E fillova këtë profesion në moshën 11-vjeç duke punuar përkrah babait tim. Jam pak i sëmurë, por e bëj punën time. Dua ta vazhdoj profesionin tim për aq kohë sa ma lejon shëndeti", tha Mücahit.

"Përjetoj qetësinë shpirtërore të fitimit të parave përmes punës së palodhur"

Mjeshtri Mücahit shpjegon se deri më sot ka trajnuar shumë praktikantë. "Aspekti më i rëndësishëm i këtij profesioni është përkushtimi. Nuk është e vështirë nëse e njeh punën, unë punoj shumë praktikisht. Nuk ndihem rehat nëse nuk punoj, kur punoj rehatohem. Mezi duroj të dielave dhe festave. Do ta vazhdoj këtë profesion për aq kohë sa kam jetë, sa të mundem", shprehet farkëtari i moshuar.

Ai thotë se nuk mund të gjejë praktikantë që janë entuziastë për profesionin dhe kjo është arsyeja pse është i mërzitur. "Të rinjtë nuk e zgjedhin profesionin që bëj unë. Më parë, familjet sillnin fëmijët e tyre dhe thonin: 'Mësoja zanatin, nuk duam para'. Tani askush nuk po i sjellë. Unë gëzoj qetësinë shpirtërore të fitimit të parave përmes punës me djersën e ballit. Do të vazhdoj të punoj me gjithë fuqinë time për ta mbajtur gjallë këtë profesion", tha farkëtari Mücahit.