Kerem Turkesh, një burrë 46-vjeçar me aftësi të kufizuara mendore që jeton në Erzincan, nuk ka dalë nga shtëpia pa veshur kostum për 26 vjet.

Turkesh, i cili mbeti me aftësi të kufizuara pas një sëmundjeje me ethe kur ishte vetëm trevjeçar, ka vite që vazhdon jetën falë përkushtimit të nënës së tij 67-vjeçare, Gyl Hanim Turkesh.

Nëna Gyl, e cila jeton vetëm me djalin e saj me aftësi të kufizuara pas ndarjes nga burri i saj, është kujdesur për Keremin si për një fëmijë për gati 26 vjet. Banorët e lagje e veshën Keremin me kostum, duke i thënë: "Ti je kandidati ynë për kryetar fshati".

Turkesh, i cili gjithashtu ka një pengesë në të folur dhe është i apasionuar pas kostumeve, ecën nëpër lagje çdo ditë i veshur me rroba të pastra dhe të hekurosura mirë.

Nëna e tij, e cila lan dhe hekuros me kujdes kostumet, këmishët dhe kravatat e djalit të saj, për Anadolu tha se e ka rritur e vetme djalin e saj, i cili mbeti i paaftë pas një sëmundjeje në moshën trevjeçare.

Ajo tha se djali i saj nuk dëmton askënd dhe se të gjithë e duan atë.

"Ai i do shumë kostumet. I pëlqen të vishet bukur. Ka një kravatë të ndryshme për secilin kostum. Ai vishet, del dhe shëtitet. Ka shumë admirues. Banorët e Erzincanit i tregojnë shumë respekt. Atij i pëlqen të fotografohet. Muret tona janë plot me fotografi. I pëlqen kostumet dhe kravatat shumëngjyrëshe. Ai nuk del pa veshur kostum", shprehet nëna.

Ajo theksoi se Keremi i kushton shumë vëmendje pamjes dhe pastërtisë së tij, duke thënë: "Ai është 46 vjeç dhe unë ende kujdesem për të si për një fëmijë. Unë dhe djali im jemi shokë të njëri-tjetrit. Kur sëmurem, ai kujdeset për mua. Faleminderit Zotit, shkojmë mirë".