Bota në pritje të bisedimeve Rusi-Ukrainë në Stamboll, ndërsa armiqësitë intensifikohen
Raundi i dytë i bisedimeve midis dy palëve pritet të zhvillohet sot në Pallatin Çırağan në Stamboll
Ankara/Stamboll
Të gjithë sytë janë përqendruar te bisedimet e paqes midis Rusisë dhe Ukrainës të planifikuara për sot në Stamboll, ndërsa intensifikohen përplasjet midis dy palëve, raporton Anadolu
Menjëherë pas shpërthimit të luftës në shkurt 2022, Turqia i bashkoi Rusinë dhe Ukrainën në të njëjtën tryezë si në Antalya ashtu edhe në Stamboll.
Në maj të këtij viti, Turqia arriti përsëri të mblidhte delegacionet ruse dhe ukrainase në Stamboll për bisedimet e tyre të para në më shumë se tre vjet luftë.
Negociatat midis dy palëve u mbajtën më 16 maj në Zyrën Presidenciale në Dolmabahçe të Stambollit.
Raundi i dytë i bisedimeve midis dy palëve pritet të zhvillohet në orën 13:00 sipas kohës lokale sot në Pallatin Çırağan në Stamboll.
Të dyja palët ranë dakord të shkëmbejnë nga 1.000 të burgosur secila në bisedimet e 16 majit, të paraqesin pikëpamjet e tyre mbi një armëpushim të mundshëm në detaje dhe të vazhdojnë negociatat.
Palët njoftuan se shkëmbimi i të burgosurve u përfundua më 25 maj.
Meqenëse aktorët ndërkombëtarë shprehën shpesh kënaqësinë e tyre për fillimin e procesit në Stamboll, bisedimet e organizuara nga Turqia morën gjithashtu mbulim të gjerë në mediat botërore.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
