Avionët luftarakë turq kanë goditur objektivat terroriste të PKK-së në Irakun verior, transmeton Anadolu Agency (AA).

Përmes llogarisë së saj në twitter, Ministria turke e Mbrojtjes bëri të ditur se sulmet ajrore shkatërruan pozicionet e armëve, strehimoret dhe depot e municioneve të përdorura nga terroristët e PKK-së në rajonet Zap, Avasin-Basyan dhe Hakurk.

Në fushatën e saj mbi 30-vjeçare kundër Turqisë, PKK-ja e listuar si organizatë terroriste nga Turqia, SHBA-të dhe Bashkimi Evropian (BE), është përgjegjëse për vdekjen e rreth 40 mijë personave, përfshirë gra dhe fëmijë.