Katër anije tjera janë larguar nga portet ukrainase sipas marrëveshjes së eksportit të grurit të Istanbulit, njoftoi sot Ministria e Mbrojtjes e Türkiye-s, transmeton Anadolu Agency (AA).

Një deklaratë e ministrisë, e cila nuk zbuloi pikat e nisjes apo destinacionet e anijeve, tha se dërgesat nga portet ukrainase po vazhdojnë siç ishte planifikuar.

Türkiye, OKB, Rusia dhe Ukraina nënshkruan marrëveshje në Istanbul më 22 korrik për të rifilluar eksportet e grurit nga tre porte ukrainase të Detit të Zi, të cilat u ndaluan pas fillimit të luftës Rusi-Ukrainë në shkurt.

Një qendër e përbashkët koordinimi me zyrtarë nga të tre vendet dhe OKB është ngritur në Istanbul për të mbikëqyrur dërgesat.

Që nga anija e parë që lundroi sipas marrëveshjes më 1 gusht, të paktën 100 anije kanë transportuar mbi 2.5 milionë tonë produkte bujqësore nga Ukraina.