Zidane: Ronaldo bëri diferencën në fitoren ndaj Romës
"Jam i lumtur për golin e tij, sepse të gjithë presin që Ronaldo të shënojë gola. Jam i lumtur edhe për të gjithë ekipin"
Romë
ROMË (AA) - Gjithmonë më e rëndësishme është ekipi, por diferencën në terren për fitoren tonë ndaj Romës e solli Cristiano Ronaldo, ka thënë Zinedine Zidane, trajneri i Real Madrid, ekipi i të cilit mbrëmë në ndeshjen e parë të së tetës së finales në Ligën e Kampionëve mposhti Romën, me rezultatin 2:0, transmeton Anadolu Agency (AA).
Ai vuri në dukje se para ndeshjes në stadiumin e Romës "Olimpico" në veçanti foli me Ronaldon.
"Jam i lumtur për golin e tij, sepse të gjithë presin që Ronaldo të shënojë gola. Jam i lumtur edhe për të gjithë ekipin. Të gjithë u përpoqën dhe i uroj ata. Pjesa e parë ishte shumë e vështirë. Por në pjesën e dytë ne luajtëm shumë më mirë dhe e merituam fitoren", ka thënë Zidane.
Real mbrëmë mposhti Romën me golat e shënuara nga Ronaldo në minutën e 57-të dhe Jesse në minutën e 86-të të ndeshjes. Ndeshja e kthimit mes dy ekipeve në fjalë do të luhet më 8 mars në Madrid.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
![](http://www.facebook.com/sharer.php?u=https://www.aa.com.tr/sq/sport/zidane-ronaldo-bëri-diferencën-në-fitoren-ndaj-romës/523329&p[images][0]=https://cdnuploads.aa.com.tr/uploads/Contents/2016/02/18/thumbs_b_c_0b2739e62aea23080e8543604994e7be.jpg&p[title]=Zidane: Ronaldo bëri diferencën në fitoren ndaj Romës&p[summary]="Jam i lumtur për golin e tij, sepse të gjithë presin që Ronaldo të shënojë gola. Jam i lumtur edhe për të gjithë ekipin"
){kind=link}